Nang Le Kei Dawtnak

Dawtmi farhniang, lei cung caan tawi te nun chung ah

Tthentu thil um hram hlah seh, zungzal in

Lengtti uh sih, nuam thlaimai in

Na reikiang ah ka chan law, chanthlung dawtnak in

Kan phai hna seh, rual hawi hna nih

Nang le kei dawtnak, Romeo le Juliet bang

Zeihmanh nih kan tthen hram hlah seh

Nang le kei dawtnak, zungzal hmun ko seh

Nang he dawtnak bia, phaitti a nuam

Nang he caan tawite, tthenkhar hmanh

Ka thinlung nih, nang an hlam zungzal

Nang he tthen um hram hlah seh

Velhle biakam tal lo in

Kan leenti lai, dawtmi nang he

Chantlung tiang in, kan cung vanrang tang ah

Dongti lo-in, nang kaan dawtnak

Ho van hai lo, nang le kei dawtnak


   By.... Aa Sang

Hawi Ttha

Harnak ka ton caan ah, a ka bawmtu

Thinlung um bia, chim ka duh caan ah

A ka ngaihpiak tu, hawittha

Kei ka sining i philh in, ka zuan khawh lo caan ah

Cung sang a ka kai pi i, zuan a ka chim tthantu

Hawittha, zungzal hawikom

                                                             By.......... Aa Sang

Ngam Cang Law, Ttap Ti Hlah

Kan ram har ruang, ramdang kan pem

Lairam chuah tak ni, mitthli aa dil

Tonti lai lo ruah ah, lung sivang in

Lunglen na tuar, nangmah te lawng

Hnemtu um lo, chuah tak  hnu cun

Lungfah na tong, laimi ruang ah

Thangchiat na tong, na fale caah

Na ttap tawn, lungfak ngai in

Na dawtmi, na fale cah ruah ah

Ttap ti hlah law, sunghno kan nu

Na dawtmi na fale, Laimi phun nih

Harnak na ton, zoh khawh lo ruangah

Nang cawisan ding in, ram dang kan pem

Fimnak cawng in, kan i zuam lio ko

Ngam cang law, sunghno Lairam

Na dawtmi, Chin miphun nih

Pem len ding in, kan in chuah tak lo

Um len ding in, kan in kal tak lo

Lungthil Kan tum, nang si kir tthan dingah

Kan Biak Pathian, lairel hram seh

Semnak Lairam, chungkhar tling he

Lentti tthan lai nakah

                                                                    By......... Aa Sang

Na Sung Khun Ko

Kum caan liam in, thil sining i thleng ai cang hna

Dawtnak biakam bal, thlen um hram hlah seh

Dawtmi aanrem, ngaih a nuam khun

Kei vaal caah, cimni um lo

Ngaih ka duh rih ko, na dawtnak bia

Dawtmi farhniang, na sung khun

Hawikom tampi, dawtmi pakhat

Thinlung pakhat, duhnak pakhat

Hmuhmi tampi, thimmi pakhat

Parmi tampi, parttha bik pakhat

Iang tu um lo, na cuang khun

Aa dawh khun ko, khuasik caan ah

Phaizawng par dawh, kei mit chung ah

Ka tahchunh tawn, dawtmi nang he

Vate aw dawh, ngaih a nuam khun

Ka tahchunh tawn, na dawtnak bia

Dawtmi farhniang, na sung khun

Kei val caah, leeng dang nakin

                                                                       By.... Aa Sang

A Tling Ko Hnga

Umkhuahar in, kei lawng ka len lio ah

Hnemtu ttha bik nang na si

Vansang au in, lung dong hma ka in lio ah

Ka cah ruahchannak ttha bik, si na si

Ka thinlung chiahnak hmunhma, ka ngeih lo lio caan ah

Hmunhma ttha bik, na thinlung chung ah na ka chiahpiak

A nuam ka ti, na pawng um cu

Cim ni um lo, na pawng tthut te

Ka cim kho lo, na aw nem dawh

Ka caah, lung hnemtu ttha bik

Iang tu um lo, na len hawi lakah

Cung khun ka ti, phaizawng par bang

Ka zoh cim lo, thingkep par dawh

Ka siang hrim lo, thatse ram lak

Ti dawr khat te bang

Kei ka nun ram ah, chuah ti lo-in

Zungzal in, rung um ve law

Kei ka cah, saduhthah a tling ko hnga

                                                             By...... Aa Sang

I Ruat Tthan Rih

Chin ram um lio, nikhat chuak
Nikhat ttuanmi, nikhat ah ei
Kuang chung phaisa, pia khat um har
Taw tlek nawn in, hawile he lente i celh
Nu le pa, nawlngaihnak tang ah

Kan ram har ruang, Malay kan panh
Tangka ngeih lo, Malay kalnak
Kan ngeih sattil, lopi zuar in
Malay kan phan, zei hngal lo in
UN kan ngah, ramthumnak kan phan

Ngakchia hna nih, ram dang nun cawng hna
Mah Miphun sining zuar in,miphun dang nun cawk kan i tim
Laiholh nakin, phanhnak holh uar deuh in
Kan laiholh, thlau kan i tim

Nu le pa bia, ngaih ti lo in
Duh tin tlong hna, hnangam thluar in
Van sik deuh ah, palik in
Nupa tlerh hna, zah hngal lo in
Thazing zei chuak lai, ti ruah ttung lo
Tuni ca lawng, thluak chung ah rawn
Hmaile ca philh in
Ram dang kan phan, uah in i lak
Lai le sining philh in, minthang i zuam

Sining philh in, Mah hngal lo
Lang-ak bang, Awtaw nun cawn
Si khawh ttung lo, A fak ve

I ruat tthan rih, na no lio ah
Na ruahchannak, na thlen khawh
Na hmancia caan, na thleng kho ti lo
Tuni na caan, thazing ah hman i tim hlah
Thazing na caan, tuni ah hman i tim hlah
A caan hoih in, kal i zuam

Na holh daw law, na ca thiam i zuam
Na miphun ca thiam law, na semnak philh hlah
Na miphun daw law, a tthangcho lai

Tiin, sunghno nu, Chin Ram nih
Mitthli he, na cah ruat in
Bia an cah.....

                                    By........ Aa Sang

Ka Thinlung

Vawlei pumpi nih aa mernak in aa din

Va hna nih an phanhnak hmun cio in an i din

Nga hna nih ti an i lionak in an i din

Thilnung tampi hna nih an thaw chuahnak in an i din

Asinain a zungzal dinh loin a cawlcang pengmi

Dinh caan zong a ngei lomi

Ka dawt, kaan ngaihnak ka thinlung

Zungzal In

Ka dawt, na cah ka thinlung innkaa ka hung peng ko.
A zungzal in na caah


Nain, zohnak ah aa dawh ngaimi,
Ruahlo piin mi chunh a hmangmi
Hlingngeipar ken in ka thinlung
Chunh ding cun rak ra ti hlah law


Zan caan i, mi hngilh a thawt tertu
Chantling nemmi he na si cun.
nang cah ka thinlung innkaa ka hung peng ko.
Zungzal in


                                                       By.......... Aa Sang

Kaan Kamhmi Vial

Kei dawtnak, hawi he cun tahchunh awk a tlak lai lo
Hawi bang suinung, chawva kaan kamh ngam lo
Hawi bang na duhning in kaan chia kho lai lo
Hawi bang na duhnak hmunhma kaan kalpi kho lai lo


Nain, kei nih kaan kamh khawh tawk vial
Nang cah ka caan sunglawi bik ka sian
Nang cah ka dawtnak sungbik ka chiah
Nang cah ka zeizong te ka sian
Dawtnak sungbik tu nang kaan kamh


                                                         By........ Aa Sang

Philh Khawh Nih Si Ttung Lo

Kaan dawt tuk na rak ka timi bia khoika an tlau
Kaan siang lo timi bia cu khoika hen an um,
Kaan dawt zungzal lai timi bia
Hmuh khawh lonak ah maw an i thuh dih kun
Na dawtnak biakam let takin
Lam dang na pial hnu


Kan lenttinak lam hna, 
Nang bang in pial le mer tthan an thiam ttung lo
Kan lenttinak hmung tthing, hmuh khawh si hmanh seh
Nang na dawtnak, hmuh khawh nih si ti ttung lo
Kei lawng ni khat len a har ka dawt aw
Nang zuun ngaih zawn mitthil a luang
Kaan philh khawh ttung lo


                                                             By... Aa Sang

Liam Ko Law

Uah len zongah khirhtthan um ti Lo
Zalam ton zongah lam dangah na pial 
Chawnh hlen zongah,  merh zimziam um ti Lo 
Mithmai panh dawhte khoika hen 
Kaan Hlam, Kaan Ngai


Na aw nem, ka caah lungkuainak 
Na anthlum, ka cah fahnak petu
Na dawtnak, thinlung hrawktu


Kaan sian rih ttung lo
Valdang sin liam ding cun


Hmanhseh, Liam ko law, dawtmi
Tuar zian thiam tu, i zuam cang ko ning


                                                         By.... Aa Sang

A Fak......!

Khuasik hung chuak, Lunglen a zual, 
Ka bihzun farhning, Ton lainak caan ruatin, 
Merem thiam lo, tintling cungah, 
Hmanhseh, Ka dawt farhniang, 
Valdang sinah liam ai cang.
ka siang rih lo, ti lio caan ah,
Afak, Afak, Ka dawt Honey, 
AIDS zawtnak bang, 
Ruahchannak ngei loin, Zeitik tiang ka tuar rih lai...!!




                                                  By.... Aa Sang

Liam Ko Law

Ka dawt,

Ka thinlung fahtertu dingah, rak rat i tim ti hlah

Ka thinlung, fah a thiam

Ka thinlung, tuar a thiam

Ka thinlung, dongh a thiam

Nang bang

Lente aa celhmi, nih si kun lo

Tuarthiam awk ah, a har kun

Nang thinlung bang

Fah a thiam, tuar a thiam

Ngaihchiat a thiam, lung dongh a hngal

Ka thinlung

Se-yioh a si lo, lung a si lo

Timi hi, rak ka ruahpiak law

Liam cang ko law....

                                 By........ Aa Sang

Kaan Philh Sual Lo

Sianginn kai caan ah ka zal ka philh bal lo bantukin, 
Dawtmi, ka thinlung in kaan philh sual lo......


Kum le caan hna nih tlaih awk ttha loin an liam, 
Pangpar hna nih an uai, Thingngei hna nih an tto, 
Thinghnah hna nih an car,
Nain, Kei dawtnak ziamh caan um lo, uai caan um lo,
Thlen caan um lo, dawtmi nang na caah......


                                      By....... Aa Sang 

Ka Thinlung Ruangah

Naa dawh ruang ah, kaan duh si lo

Na fim ruang ah, kaan dawt si lo

Na ttha ruang ah, kaan ham si lo

Ka thinlung nih an ham cah, 

Kaan dawt, kaan duh, kaan ham

Umtu hoiher, na thiam ruang ah

Ka mitsir in, kaan ven si lo

Biachim holhrel, na thiam ruang ah

Ka thinlung ah, na um si lo

Na aankaa, a tthat ruang ah

Ka thinlung ah, na cam si lo

Ka thinlung nih an hlam cah,

Na palhnak, na chiatnak zoh loin

Ka zeizong te na cah ka chiah si

                                        By....... Aa Sang

Phuang Ninglaw

Kaan duh in ti ninglaw, na zaang ka fak sual hnga maw

Kaan dawt in ti ninglaw, zeirel loin na ka um sual hnga maw

Kaan ham in ti ninglaw, na phu lo na ka ti hnga maw
Kaan ngai in ti ninglaw, capo men ah na rel sual hnga maw
kaan hlam in ti ninglaw,  zumh loin na um sual hnga maw
Kaan dawt, kaan duh, kaan uar tiin in chim ninglaw, na ka 

hrial sual hnga maw?

Na ka dawt ve lai dah?


                                                         By........ Aa Sang

Ka Phuang Ngam Lo

Kei thinlung chung in dawtmi

Ka phuang ngam lo, kaan dawtnak

Nang le kei cu Hawikom pei kan si ko cu

Na ti sual lai ti ka phang

Kei santlai lo val mitthli tla dingin

Par ttha, nang nih na ka sian ko hnga maw

Nang ruang ah hngilh lo caan tam

Ka chuahchan ka dawt bikmi

Na mitthlam chung ah kei ka cuang bal maw

Nang ruang ah, kei thinlung

Ngaihnak in a khat...........

Ka phuang ngam hrim lo

Kei thinlung chung dawtnak in

A khatmi bia, na caah

                                                    By.......... Aa Sang

A Dih Cang

Nang he nuam thluaimai in, dawtnak bia kan phantti

Lungnuam in, biaza kan phan tawn

Tthentu thil um hlah seh tin

Lung duh dawtnak bia, kan phai tawn

Hmanh seh, lungtak dawtnak lo hrat cu

Caan sau nguh lo in, ti dawr khat bang

Hmuh khawh lonak ah, an i thup dih ai

Tthentu um hlah seh, timi bia cu

Caan tawite lawng, dawtnak nguh seh ti bang

Minmei zam bang, an ttian tuan ee

Nang he lentti lio caan cu, nuam hmanh seh

A tu ah cun a dih cang

Kei lawng in, nang zuun tuar in ka vai cang lai

Khuaza tlangkip ah

Na Sunglawi Khun Ko

Umkhuahar in kei ka len lio caan ah

Ka thinhnemtu ding ah nang kaan ton

Lileng in kan um lio caan ah

Ka thinlung tawhtlaitu dingah nang kaan hmuh

Lung kuai in, mitthli he ka len lio caan ah

Tuar pitu ding ah, nang kaan ton

Na sunglawi khun kho, ka caah cun

Umnak ngei lo in, khuaza ka cul lio caan ah

Dawrnak ttha bik, na thinlung chung ah na ka serpiak

Ka thinlung chiahnak hngal lo in, kenkip ka tthek lio caan ah

Ka thinlung a ka pumh piaktu, nang na si

Thinlung tling lo in, ka vahvaih lio caan ah

Ka thinlung tling in, a ka tlonlenter tthantu

Nang na si, na sunglawi khun ko

An chim duhnak mui ah um, an phai dawtnak thinlung ah

Iang cu hlen hmang in, duhnak nih thinlung fahter thiam hmanhseh

Iang ngei hlah hmanhlaw, naa dawh khun ko

Hawi bantuk in, i dawh hlah hmanh law

Ka cah cun, par vialte lakah

Pardawh bik na si,Par vialte nakin

Na sunglawi khun ko


                                                       By....... Aa Sang

Tuar A Har Ee

          Lawm in, leentti lio

          Dawtnak bia phai in, ho van hoi lo

          Dawtnak biakam ser in, leentti lio caan kha

          A nuam khun ka ti, kei caah

          Hmanhseh, a tu cu

          Biakam let takin, lamdang na liam hnu

          Kei lawng in, nehbung khir tthan lai

          Kan rak leenttinak hmuhma hna

          Nang bang in, mer tthan an thiam ttung lo

          Zan thlapa te hung van in

          Dawtmi, nang zuun ngai in

          Kei lawng, riaklang va bang

          Rung vai ai lai mu....

          Tuar a har kun e, 

                                                     By........ Aa Sang          

Tuanbia Bang In

Dawtmi, nang le kei

Kan leentti lio caan

Dawtnak biakam hna ser in

Nang le kei kar, kanmah bia chim lo

Midang bia rawinak, zumh hlah sih kan rak ti

Thihtiang i daw ding in, biaza kan rak phai

Hmanhseh, a tu cun

Keimah bia si lo, mi bia ruang ah

Kan tiam cia, dawtnak mer tak in

Na ka na ka kal tak hnu

Ti luang bang, tlaih awk nih na ttha ttung lo

Liam ko kun law

Kei lawng, kan neh zuun tthing

Zan thlapa vang tang ah, kawp ngei lo in

Tuanbia bang, rel tthan ko ning


                                                     By........... Aa Sang

Lungkil Aan

Mitser in, kaan ven ttheo tawn

Na len hawi lakah, iang ngei khun

Kan mit aa ton zawn, merh zimziam na mui hmai

Kei vaalpa thinlung chung ah, zungzal a cam

Kaa lunghmuih tuk tawn, nang he i chawnh zawn caan te khi

Ka it zanmang tiang in

Nang kong ruah ah, zaan ttim tiang

Merem thiam lo, tlingkhan dang cung in

Khuadei lai kaa ngaih, nang hmuh duh ah

Zan si lai sivang in, nang hmuh lai lo ruah ah

An chim, mit aa lo lo

An phai, thinlung hmuh ning aa dang cio

Cu bang, iang ngei hlah hmanhlaw

Na cuang khun ko, kei thinlung ah

Hawi bang in, i dawh hlah hmanhlaw

Phaizawngpar na hluan, kei mit chung ah

Na len hawi lakah, ka thim mi

                                              Bye... Aa Sang

Hlawt Colh Ding In

Ka thinlung nih a tu duh i a tu hlonh colh ding in aan thim lo, 
Zungzal ca in kei ka thinlung nih aan hammi na si. 
Zei thil a tlun hmanh ah kei kaan dawtnak a zor sual lo. 
A zungzal in kaan dawt peng ko...
Ka thinlung nih zeitik hmanh an an chia ta lo 
Zei thil ka tuah paoh ah kaan ngai, 
Khoika ka um paoh ah kaan hlam,
Suimilam aa tthial zawn in kaan ngai.. 
kaan ngai, kaan dawt, kaan ngai




                                                                 By.. Aa Sang