A Za Cang

Nang he dawtnak bia kan rak phantti caan
Nuam thlaimai in kan rak lentti caan
Kan dawt tuk na rak ka timi na aanthlum
Bia na rak ka kammi na thinlung
Kum caan liam bang maw an liam dih kun

Kei ka thinlung zungzal nang cah si cang seh ka ti ruangah
Ka thinlung na fahter zongah
Dawtnak tling he kaan hngah
Ka thinlung na kuaiter zongah
Dawtnak thiang he kaan orh
Ka thinlung dum na hrawh zongah
Za cang seh ti loin, ka thinlung nang cah tin ka chiah

Nain mu ka dawt
Kei kaan dawtnak thinlung na hngalhthiam lo ruangah
Kei ka thinlung fak in, nang sinah chim ve cang ning mu
Nangmah ruangah, kei ka thinlung voi tam tuk a kuai cang
Na velhle ruangah, kei ka thinlung dum a rawk dih cang
Na aanthlam men ruangah,
kei ka thinlung ruahchannak a dongh caan a tam tuk cang

Na hngalh dingah
Na duh tlin lainak ah, a herh lo caan ah
Ka mit kaa chinh caan a tam 
Ka hna kaa chehter caan a tam 
Nang ruangah ka thinlung ruahchannak a dang caan a tam
Ka thinlung se-yoh a si kun lo, a hakmi thir bantuk zong si kun lo
Fah a thiam ve, tuar a thiam ve

Za cang seh, kei ka sinah
Ngaihchih in kir tthan i tim ti hlah,
Ka thinlung rak hneksak dingin
Rak rat i tim ti hlah,
A za cang, nang cah kei ka thinlung innkaa ka khar cang
Siang lo bu in mang ttha ko kun








                                                 By... Aa Sang