Ka Dawt, lennak tlang aa dang cang
Ton lo-in hmuh lo caan zong nih a hung sau cang
Kaan ngaihnak a zual, leeng le vaal hmuh zawn ah
Nang he nuam in rak len lio caan, kei mitthlam ah an cuang
Lennak dang in, ton lo caan sau cang ko hmanh seh
Ka thinlung nih, an philh sual lo dawtmi
Hawi bia-nuam tlorh lio caan ah
Kei lawng tthu in, nang kong ka ruah caan a tam ko cang
Hawi sin lente celh zuam lo-in
Kaan ngaih zawn ah, lungkil mitthli a tla tawn
Nang le kei, caan khatkhat ah ton tthan caan um lai tin
Kaa ruahchannak hi tling hram ko sehlaw
Zalong tein nang kong, ruahnak caan
Ka ngeihmi caan te khi a sunglawi khun ko
Ho dawnkhan-tu um lo, nang kong ruah caan te khi
Kaa nuamh bik caan, kaan ngaih zawn caan
Ruahchannak nganbik he, nang cah tin
Ka thinlung ka chiah peng ko, dawtmi
Nang kaan ngaih zawnah, ka lungkil in
A chuakmi bia
By........ Aa Sang
No comments:
Post a Comment
Kaa lawm........ Ka web chung ah na rak ka leng i, thazaang thar na rak ka pek caah kaa lawm